30 июл 21:52
Янгиликлар

Спорт курашлари

Эркин курашчимиз ЖЧ кумуш медали соҳибига айланди

Болгариянинг София шаҳрида спорт курашлари бўйича ўсмирлар ўртасида жаҳон чемпионати давом этмоқда.

Бугун -48 кг вазн тоифасидаги эркин курашчимиз Камронбек Қадамов олтин медаль учун эронлик Раҳмон Муса Амоузадҳалилига қарши гиламга чиқди. Тенг курашлар остида кечган жанг 4:4 ҳисоби билан ниҳоясига етди. Якунда ҳакамлар жангда фаол бўлган эронлик полвоннинг ғалабасини қайд этишди. Шу тариқа, Қадамов жаҳон чемпинатининг кумуш медали соҳибига айланди.

Эслатиб ўтамиз, Камронбек мусобақа давомида Отгонбаатар Болдбаатарни 11:0, озарбайжонлик Жавид Жавадовни 8:4, ҳиндистонлик Удит Удитни 4:2 ҳисобида мағлуб этган эди.