16 фев 17:57
Янгиликлар
Футбол
Эрон Теҳронда Россия термаси билан куч синашади
Эрон терма жамоаси март ойида Россия терма жамоасига қарши ўртоқлик ўйини ўтказади.
Бу ҳақда "Tasnim" агентлиги, Эрон Футбол Федерацияси президенти Меҳди Тожнинг баёнотига таяниб, хабар бермоқда.
Ўйин 22 ёки 23 март куни Теҳронда бўлиб ўтади. Шунингдек, Россия аёллар терма жамоаси ҳам Эронга йўл олади ва маҳаллий аёллар жамоаси билан ўйнайди.
Эслатиб ўтамиз, 15 февраль, чоршанба куни Россия спорт вазири Олег Матицин Теҳронда эронлик ҳамкасби Ҳамид Сажжади билан учрашув ўтказганди.
2022 йилнинг март ойида УЕФА ва ФИФА Украинадаги вазият туфайли Россия клублари ва терма жамоаларини халқаро мусобақалардан четлаштирган эди.
Ҳавола :
Манба : Tasnim
Фикрлар