25 дек 16:14
Янгиликлар

Бокс/ММА

Эртага Аҳмадалиевнинг рақиби аниқланади. Бугун чемпионлар тарозидан ўтишди

Мутлақ жаҳон чемпионлиги учун кечадиган жанг эртага, 26 декабрь куни Япония пойтахти Токио шаҳрида бўлиб ўтади.

Биринчи ярименгил вазн тоифасида WBC ва WBO йўналишлари чемпиони Наоя Иноуэ ҳамда шу вазнда WBA ва IBF чемпионлик камарлари соҳиби Марлон Тапалес тарозидан муваффақиятли ўтиб олди.

Тўртта вазнда жаҳон чемпиони, япониялик 28 ёшли Иноуэ 55,2 кг, филиппинлик 31 яшар Тапалес эса роппа-роса 55 кг тош босди.

Таъкидлаш жоиз, The Ring журнали томонидан ўтказилган сўровномада 19 экспертнинг барчаси Наоянинг муддатидан аввал ғалаба қозонишини тахмин қилган.