22 июн 13:52
Янгиликлар

Дзюдо

Эртага Самарқанд ва Наманганда Мудофаа вазири кубоги старт олади

Хабарингиз бор, 18-19 июнь кунлари Урганч ва Қарши шаҳарларида Ўзбекистон Республикаси Мудофаа вазири кубогининг минтақавий саралаш бахслари ўтказилган эди.

Эртага яна икки минтақа учун мусобақанинг саралаш беллашувлари бошланади. Аниқроғи, Самарқанд ҳамда Наманган шаҳарларида икки кун давомида ўсмирлар ва қизлар ўртасида 7 тадан вазн тоифасида баҳслар ташкил этилади. Ғолиблар 8-11 июль кунлари Тошкент шаҳрида ўтказиладиган мусобақанинг финал босқичида қатнашиш ҳуқуқини қўлга киритадилар.

Самарқанд вилояти Яккакураш спорт турларига ихтисослаштирилган Болалар-ўсмирлар спорт мактаби залида ўтказилувчи учинчи минтақа саралаш баҳсларида мезбонлардан ташқари Навоий ва Жиззах вилояти дзюдочилари татамига чиқади.

Наманган олимпия захиралари коллежи мезбонлик қилувчи тўртинчи минтақа турнирида водий жамоалари (Наманган, Фарғона, Андижон) иштирок этади. Ғолиблар 24 июнь куни маълум бўлади.