Эртага Уйчида Ўзбекистон чемпионати старт олади

Ўзбекистон Республикаси Жисмоний тарбия ва спорт вазирлиги ҳамда Ўзбекистон миллий белбоғли кураш федерациясининг йиллик тақвим-режасига мувофиқ ташкил этилаётган мамлакат чемпионатида 1999-2000 йилларда туғилган йигит ва қизлар гиламга чиқишади. 

Эртага бошланадиган мазкур мусобақада ёш полвонлар белбоғли курашнинг эркин ва классик йўналишларида куч синашишади. Ушбу спорт тури бўйича Ўзбекистон чемпионатига Уйчи тумани илк бор мезбонлик қиляпти. 

Наманган вилоят ҳокимлиги, вилоят жисмоний тарбия ва спорт бошқармаси, туман ҳокимлиги, вилоят белбоғли кураш федерацияси, 1-сонли болалар-ўсмирлар спорт мактаби ва бошқа масъул ташкилотлар томонидан мусобақани юқори савияда ўтиши учун тайёргарлик ишларига алоҳида эътибор қаратилган.   

Илҳом РАҲМОНОВ тайёрлади