Эртанги "Ҳумо Арена"даги бокс оқшомини қайси телеканал намойиш этиши маълум

Марказий жанги Ҳасанбой Дўсматов иштирокида бўлган бокс оқшомини ZO`R TV телеканали тўғридан-тўғри жонли эфирда намойиш қилади. Ушбу телеканалнинг Ўзбекистон ҳаваскор бокс федерацияси билан амалда шартномаси бор. Дўсматов испаниялик Самуэль Кармонага қарши жангда IBA чемпионлик камари учун рингга кўтарилади.

Аввалроқ, ушбу турнирда Баҳодир Жалоловнинг жанг қилмаслиги ҳақида хабар берган эдик. Унинг ўрнига бошқа бир ҳамюртимиз Жаҳонгир Зокиров хорватиялик Смаки Агронга қарши рингга кўтарилади. Смаки супероғир вазнда WBC чемпиони Тайсон Фьюри билан бирга спарринг машғулот ўтказиб, номдор рақибини қошини ёриб қўйганди. 

Эртанги оқшомининг тўлиқ карди: 

-75 кг: Аълохон Абдуллаев - Жаргал Отгонжаргал (Мўғулистон)

-71 кг: Иқболжон Холдаров - Рахманқўл Сагадат (Қозоғистон)

-63.5 кг: Мужибилло Турсунов - Жума Чоки (Танзания)

-60 кг: Элнур Абдураимов -  Cарлос Орнелас (Мексика)

+92 кг: Жаҳонгир Зокиров - Смаки Агрон (Хорватия) 

+92 кг: Майлк Хантер (АҚШ) - Артём Сусленков (Россия)

-67 кг: Асадхўжа Мўйдинхўжаев - Фатих Келес (Туркия)

-51 кг: Ҳасанбой Дўсматов - Самуэль Кармона (Испания)