Эртанги жанг олдидан Бектемир Мелиқўзиевнинг рақиби ўзгарди

Аввалроқ, ҳамюртимиз мексикалик Марко Антонио Перибанга қарши жанг қилиши ҳақида хабар қилинганди. Бироқ, жанг учун вазн ташлаш жараёнида Перибаннинг соғлиғи ёмонлашган, шу сабабли у эртага Бектемирга қарши жанг қила олмайди. 

Ҳамюртимиз эртага бошқа бир мексикалик боксчи - Оскар Кортесга қарши рингга кўтарилади. Рақибнинг статистикасига назар ташлайдиган бўлсак, Кортес шу кунгача проф боксда 32 та жанг ўтказган ва уларнинг 27 тасида ғалаба қозонган (14 та нокаут). 5 маротаба мағлуб бўлган (4 та нокаут). 

Эслатиб ўтамиз, жанг Тошкент вақти билан 15 февраль куни эрталаб ўтказилади. Баҳс АҚШнинг Калифорния штати Анахайм шаҳрида ташкил этилади.