14 авг 18:37
Янгиликлар

Бокс/ММА

Эртанги Шоҳжаҳон Эргашевнинг "болалари" октагонга чиқиши керак бўлган Москвадаги ММА турнири бекор қилинди

Хабар берганимиздек, эртага Россия Федерация пойтахти Москва шаҳрида аралаш яккакураш қоидалари бўйича ММА турнири бўлиб ўтиши керак эди.

Ҳозиргина Москва шаҳридан сайтимиз мухбири Акбар Юсуповнинг хабар беришича, пойтахт мэрияси оммавий тадбирларни ўтказиш учун рухсат бермаган. Шу сабабдан эртанги ММА турнири ҳам бекор қилинган.

Эслатиб ўтамиз, ушбу мусобақа доирасида профессионал боксчимиз Шоҳжаҳон Эргашевнинг "Shohjahon_Gym" залида машғулот ўтказаётган Достон Бозоров ва Темур Саидов ҳам октагонга чиқиши керак эди. 22 ёшли Достоннинг рақиби қирғизистонлик 23 ёшли Толкун Маматов, 1998 йилда таваллуд топган Темур Саидовнинг рақиби эса қирғизистонлик Канболот Айтибай уулу бўлиши лозим эди.