17 июл 11:51
Янгиликлар

Футбол

Эшитдик-да! Туркия клуби "Навбаҳор" футболчисини 10 баравар кам нархга сотиб олмоқчи

Наманганнинг "Навбаҳор" клуби ярим ҳимоячиси Эҳсони Паншанбега Туркия клуби қизиқиб қолгани ҳақида хабар берилган эди.

Championat.asia сайти маълумотига кўра, Туркия Суперлигасининг "Хатайспор" клуби тожикистонлик футболчи учун тахминан 20-30 минг евро атрофида пул таклиф қилган. "Навбаҳор" клуби эса Паншанбе бундан анчагина қиммат туришини маълум қилган ва трансфер учун тахминан 150-200 минг евро сўраган.

Маълумот учун, transfermarkt портали Эҳсони Паншанбени 550 минг еврога баҳолаган. Футболчининг "Навбаҳор" билан 2022 йил охиригача шартномаси мавжуд.