ESPN: Top Rank билан шартнома имзолаган Жалоловни муаммолар кутяпти

Лекин муаммо юзага келадиган кўринади. ESPN хабарига кўра, Disrupt Promotions компанияси Top Rank раҳбари Боб Арум устидан шикоят қилмоқчи: "Қизиғи, Баҳодирнинг адвокати биз билан музокара ўтказганди (шартномани бекор қилиш бўйича). Ва бу нарса унга бир пайтнинг ўзида Top Rank билан ҳам шартнома имзолаш учун тўсқинлик қилмасди. Бўлиб ўтган ҳолатни шартноманинг қўпол тарзда бузилиши деб қабул қиламиз. Айтиш мумкинки, Top Rank билан имзоланган шартнома ҳуқуқий жиҳатдан кучга эга эмас", - дейилади Disrupt Promotions компанияси баёнотида. 

Маълумотларга қараганда, Жалоловнинг Top Rank компаниясидаги дебют жанги ёзнинг охирларида бўлиб ўтади. Арумга тегишли компания дивизионнинг кўзга кўринган америкалик боксчилари Жаред Андерсон ва Ричард Торрез (Торрез Токио Олимпиадаси финалида айнан Жалоловга ютқазганди) билан ҳам шартномага эга.

Ҳозирча Top Rank компанияси Disrupt Promotions шикоятига ҳеч қандай муносабат билдирмади.