Етти нафар теннис маликамиз юқорилади. Собиқ биринчи ракеткамиз эса WTA рейтингидан чиқарилди

Бугун янгиланган рейтингда теннисчиларимизнинг деярли барча юқорилашга муваффақ бўлган. Биргина учинчи ракеткамиз Мария Тимофеева бир поғонага пастлаб, айни пайтда 154-ўринни эгаллаб турибди. Қолган барча теннис маликаларимиз рейтингдаги ўз ўринларини бирмунча бўлса-да, яхшилаб олишди. Биринчи рақамли вакиламиз Камила Раҳимова 1 поғонага кўтарилиб, дунёнинг 73-ракеткасига айланди. Иккинчи ракеткамиз Полина Кудерметова 2, Лайма Владсон 7, Влада Якшибарова 3, Милана Масленкова 3, Севиль Юлдашева 19, Диана Яковлева эса 4 поғонага кўтарилган. Фаолиятини якунлаган Нигина Абдураимова ниҳоят WTA рейтингидан чиқарилди. 

Дунё теннисчиларининг Топ-10`талигида битта ўзгариш кузатилди. Россиялик Мирра Андреева италиялик дугонаси Жамсин Паолини билан ўзаро ўрин алмашиб олди. Беларуслик Арина Соболенко ҳамон катта фарқ билан рейтинг пешқадами бўлиб турибди. Штутгарт турнирида чемпион бўлган қозоғистонлик Елена Рибакина иккинчи ўринни банд этган бўлса, польшалик Ига Свёнтек кучли учликка якун ясаган. 

WTA рейтинги. 20 апрель кунги ҳолат:

1 (1). Арина Соболенко (Беларусь) - 10 895

2 (2). Елена Рыбакина (Қозоғистон) - 8500

3 (3). Кори Гауфф (АҚШ) - 7279

4 (4). Ига Свёнтек (Польша) - 7273

5 (5). Жессика Пегула (АҚШ) - 6136

6 (6). Аманда Анисимова (АҚШ) - 5995

7 (7). Элина Свитолина (Украина) - 3910

8 (9). Мирра Андреева (Россия) - 3746

9 (8). Жасмин Паолини (Италия) - 3722

10 (10). Виктория Мбоко (Канада) - 3531.

Ўзбекистонлик теннисчиларнинг WTA рейтингидаги ўрни:

73 (74). Камилла Раҳимова – 919

137 (139). Полина Кудерметова – 554

154 (153). Мария Тимофеева – 495

778 (771). Лайма Владсон – 43

1092 (1089). Влада Якшибарова – 15  

1112 (1115). Милана Масленкова – 14 

1164 (1185). Севиль Юлдашева – 12

1465 (1469). Диана Яковлева – 3