European Open. Биринчи кун 2 та медаль қўлга киритилди

European Open 2022 мусобақасида дунёнинг 37 давлатидан келган дзюдочилар медаллар учун татамига чиқишяпти. Улар орасида Ўзбекистон аёллар терма жамоасининг 6 нафар вакиласи ҳам бор. 

Биринчи кунги беллашувларда ҳамюртларимиздан Сита Кадамбаева (-52 кг) ва Нилуфар Ермаганбетова (-57 кг) терма жамоамизга бронза медалларини тақдим этишди. Сита бронза медали учун кечган беллашувда британиялик Сиан Бобровскани, Нилуфар эса ЖАР вакиласи Жасмин Мартинни мағлубиятга учратди. 

Бироз кутилмаганда, биринчи кунги беллашувлардан сўнг Туркманистон терма жамоаси 2 та олтин медаль билан умумжамоа ҳисобида биринчи ўринни эгаллаб турибди. Биттадан олтин ва кумуш медалга эга Франция ҳамда Швейцария терма жамоалари кучли учликка якун ясашган.