Эвандер Холифилд Майк Тайсонни жангга чорлади

"Биз жангни ташкил этишга ҳаракат қилдик. Аммо, доим қандайдир гап-сўзлар топилаверди. Энди эса мен билан жанг учун унга тайёргарлик жанги керак бўлганини тушундим. Рой Жонс - маҳаллий савиядаги яхши рақиб. Аммо менга қарши жанг жаҳон миқёсида бўлади. Мухлислар кўришни истаётган ягона жанг - бизнинг тўқнашувимиз. Ушбу жангни ташкил этмаслик учун сабаб кўрмаяпман. 

Бошқа баҳоналар керак эмас. Бу жанг бизнинг авлодларимиз учун ҳам бўлиши керак. Майк, сен мен билан жангга тайёр эканлигингни айтдинг. Шартномага қўл қўй ва рингга чиқ. Дунё буни кутмоқда, тўп сен томонда. Мен тайёрман", - деди Холифилд. 

Эслатиб ўтамиз, боксчилар ўз вақтида икки марта жанг ўтказишган ва уларнинг ҳар иккаласида ҳам Холифилд ғалаба қозонган.