08 янв 07:32
Янгиликлар

Хоккей

"Евросиё дўстлик кубоги". "Ҳумо" медалларга эга чиқиш имкониятини кўкка совурди

Кеча Россиянинг Тула шаҳрида хоккей бўйича "Евросиё дўстлик кубоги" мусобақасининг финал босқичи ниҳоясига етди.

Тошкентнинг "Ҳумо" хоккей клуби мусобақанинг бронза медаллари йўлида ВХЛнинг ўтган мавсумдаги вице-чемпиони АКМ клубига қарши музга чиқди. Афсуски, ўйин 2:1 ҳисобида россияликлар фойдасига якунланди.

Шу тариқа, якуний босқичи тўрт жамоа иштирокида ўтган "Евросиё дўстлик кубоги" якунланди. "Ҳумо" эндиликда 9-10 январь кунлари Тошкентда Қозоғистон чемпионати доирасида "Кулагер"ни қабул қилади.

Эслатиб ўтамиз, "Ҳумо" 2024 йилнинг август ойида Тошкентда бўлиб ўтган саралаш босқичида АКМга қарши ўйнаб, 3:1 ҳисобида ғалаба қозонган эди.