ФАКТ: Ўзбекистон ёзги Олимпиадалар тарихидаги ўн биринчи олтин медалини қўлга киритди

Ўзбекистонликлар орасида илк Олимпиада олтин медалини Сидней-2000 мусобақасида боксчи Муҳаммадқодир Абдуллаев қўлга киритган.

Шундан сўнг, курашчилар Артур Таймазов ва Александр Доктурашвили Афина-2004 ўйинларида ғолиб бўлган.

Орадан ўн йил ўтиб, Рио-2016 Олимпиадасида боксчиларимиз Ҳасанбой Дўсматов, Шаҳобиддин Зоиров ва Фазлиддин Ғоибназаров, шунингдек, оғир атлетикачимиз Руслан Нурудинов олтин медалга эга чиққан.

Токио-2020 Олимпия ўйинларида эса Ўзбекистон делегациясидан таэквондочи Улуғбек Рашитов, оғир атлетикачи Акбар Жўраев ва боксчи Баҳодир Жалолов олтин медалга эга чиқади.

Маълумот учун, қишки Олимпиадалар тарихида ўзбекистонлик спортчилардан фақатгина Лина Черьязова (Лиллехаммер-94) олтин медалга эга чиққан ва бу қишки Олимпиадалар тарихимиздаги ягона медаль саналади.

Шунингдек, Артур Таймазов 2004 ва 2008 йилларда олтин медаль қўлга киритган. Кейинчалик ушбу медаль допинг билан боғлиқ масалалар сабаб олиб қўйилган. Агар ушбу медаллар ҳам қўшиб ҳисобланганида олтинларимиз сони 13 тани ташкил этган бўларди.