02 окт 16:52
Янгиликлар
Бокс/ММА
"Фақат Фергюсон Хабибни мағлуб эта олади"
Ярим ўрта вазн тоифасида собиқ UFC чемпиони Тайрон Вудли енгил вазнда UFC қироли Хабиб Нурмагомедовни фақат бир спортчи мағлуб эта олишига шаъма қилди.
Вудлининг айтишича, фақат Тони Фергюсонгина россиялик чемпионни мағлуб эта олар экан.
"Ўйлашимча, "Эл Кукуй" Нурмагомедовни мағлуб этади. Айнан Тонида Хабибнинг жанг услубига қарши туриб бера оладиган усуллар бор. Фергюсон тезкор ҳужумга ўтади, партерга тушиб қолган тақдирда ҳам ундан тезликда чиқиб кета олади. Ҳозиргача ҳеч ким Хабибга октагонда муаммо келтира олгани йўқ. Бу ишни биргина Тони уддалаши мумкин", - дея Вудлининг сўзларидан иқтибос келтирмоқда ESPN.
Эслатиб ўтамиз, бир муддат аввал Тони Фергюсон октагонга қайтишини эълон қилган эди. Лекин ҳозирча жанг айнан қайси санада ўтказилиши ҳамда рақибнинг ким бўлиши маълум эмас.
Ҳавола :
Манба : MMA Junkie
Фикрлар