Фарангиз Рўзиева Жаҳон кубогида иштирок этди

Ушбу мусобақада юртимиз шарафини Фарангиз Рўзиева ҳимоя қилди. 

Икки кун давом этган турнирда спортчимиз дастурни муаффақиятли бажариш ва Олимпиада лицензияси йўлида муҳим рейтинг очколарини қўлга киритиш учун ҳаракат қилди. 

Трамполинчимиз биринчи комбинацияда бехато ҳаракат қилган бўлса, иккинчи комбинацияда дастурни якунлаётганда тўхташда хатога йўл қўйди. Натижада ҳакамлар тўпланган умумий миқдордан 2 балл олиб ташлашди. 58 иштирокчи орасида 97,555 балл билан 40-ўринни эгаллаган гимнастикачимиз бу билан Токио йўлланмаси учун имкониятларини пасайтириб юборди.

Жаҳон кубогида ушбу йўналишда шоҳсупанинг ҳар учала поғонаси хитойлик спортчиларга  насиб этди.

1.  Зху Хуейинг (105,405)

2.  Луи Линглинг (105, 035)

3.  Ли Дан (104, 760)

Хуршида Абдикулова тайёрлади