“Фарғона Челленжер”. Файзиев ва Фоминда мағлубият

Соврин жамғармаси 75 000 АҚШ долларини ташкил қилувчи мусобақада нимчорак финал учрашувлари ўтказилмоқда. Бугун икки нафар теннисчимиз чорак финал чиптаси учун кортга чиқди.

Биринчи ракеткамиз Санжар Файзиев нимчорак финалда сербиялик Никола Милоевичга 7:6(8:6), 3:6, 6:7(4:7) ҳисобида имкониятни бой бериб қўйди. Файзиев дунё рейтингида 262, Милоевич эса 211-ўринни эгаллаб турибди.

Яна бир теннисчимиз Сергей Фомин эса канадалик Брейден Шнур билан муносабатларига ойдинлик киритиб олди. Учрашувда Шнур 6:1, 6:3 ҳисобида зафар қучди. Фомин дунё рейтинигда 1600, Шнур эса 244-ўринни банд этган.