Фарғона вилояти чемпионатида содир бўлган кўнгилсиз ҳолат юзасидан расмий баёнот

Ушбу мусобақа Ўзбекистон дзюдо федерацияси Фарғона вилояти бўлими ва Фарғона ихтисослаштирилган олимпия захиралари мактаб-интернати раҳбарияти билан келишилган, Фарғона вилояти жисмоний тарбия ва спорт бошқармаси бошлиғи томонидан тасдиқланган Низом асосида ташкил этилган эди.

Вилоят биринчилиги давомида мусобақа иштирокчилари - 2000 йилда туғилган К.Т. ва 2002 йилда туғилган Ж.Х. ўртасида ўзаро низо келиб чиққан ва бунинг натижасида оммавий келишмовчилик юз берган.

Ҳозирда ушбу холат юзасидан Фарғона шаҳар ички ишлар органлари фаолиятини мувофиқлаштириш бошқармаси ҳузуридаги тергов бўлими томонидан тегишли суриштирув ишлари олиб борилмоқда.

Бугун, 16 февраль куни Ўзбекистон дзюдо федерацияси Бош котиби в.в.б. Б.Акрамов ва федерациянинг мутасадди ходимлари ҳамда Фарғона шаҳар ички ишлар бошқармаси ходимлари ҳамкорлигида оммавий можарони келтириб чиқарган шахслар иштирокида давра суҳбати ўтказилди.

Хуқуқни муҳофаза қилиш органлари томонидан юқоридаги холат юзасидан суриштирув ишлари якунланганидан сўнг, Ўзбекистон дзюдо федерацияси ва Халқаро дзюдо федерациясининг тартиб-интизом ва этика қоидалари асосида айбдорларга спорт фаолияти билан боғлиқ бўлган тегишли чоралар кўрилади.