11 дек 14:45
Янгиликлар

Кураш

Фарғонада белбоғли кураш бўйича Ўзбекистон кубоги ўтказилди

8-10 декабрь кунлари Фарғона олимпия ва паралимпия спорт турларига тайёрлаш марказида белбоғли кураш бўйича ўғил болалар ва қизлар (U-20) ўртасида Ўзбекистон кубоги беллашувлари бўлиб ўтди.

Ўзбекистон Республикаси Ёшлар сиёсати ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидан ўрин олган ушбу мусобақада мамлакатамизнинг барча ҳудудларидан 200 нафардан ортиқ ёш полвонлар ғолиблик йўлида гиламга чиқишди.

Мусобақанинг биринчи куни дастлаб тантанали очилиш маросими ташкил этилди. Унда Фарғона вилояти Ёшлар сиёсати ва спорт бош бошқармаси бошлиғи Нодирбек Ҳакимов ҳамда Ўзбекистон белбоғли кураш федерацияси бош котиби Абдихалил Маликовлар иштирок этиб, спортчиларга омад тилашди.

Мусобақа регламентига мувофиқ, ўғил болалар белбоғли курашнинг белбоғли кураш ва эркин йўналишида 11 та вазн тоифасида, қизлар эса белбоғли курашнинг эркин йўналишида 7 та вазнда куч синашишди.

Муросасиз ўтган икки кунлик беллашувларнинг якуний натижаларига мувофиқ, қуйидаги полвонлар ўз вазн тоифаларида биринчи ўринни қўлга киритишди.

Ўғил болалар (белбоғли кураш йўналиш)

46 кг. Самандар Бурҳонов (Жиззах), 50 кг. Қосимжон Худойбердиев (Сирдарё), 55 кг. Умарали Акбаралиев (Тошкент в.), 60 кг. Абдумалик Дилшодбеков (Андижон), 65 кг. Камонмирзо Усмоналиев (Наманган), 71 кг. Муҳаммадяҳё Муҳаммадносиров (Фарғона), 77 кг. Сардор Абдумухторов (Фарғона), 83 кг. Диёр Турсунбоев (Наманган), 90 кг. Асадбек Саидакбаров (Тошкент ш.), 100 кг. Ризо Раҳмонов (Тошкент в.), +100 кг. Илёсбек Мирзаҳматов (Тошкент в.).

Қизлар (эркин йўналиш)

44 кг. Молдир Алимбаева (Қорақалпоғистон), 48 кг. Ўғилой Турғунпўлатова (Наманган), 52 кг. Камола Орифжонова (Сирдарё), 57 кг. Жулдуз Каразова (Қорақалпоғистон), 63 кг. Севинч Шаҳобиддинова (Тошкент в.), 70 кг. Севара Саженова (Қорақалпоғистон), +70 кг. Дурдона Набижонова (Наманган).

Ўғил болалар (эркин йўналиш)

46 кг. Жамолиддин Раҳмоналиев (Андижон), 50 кг. Шаҳриёр Муқимов (Фарғона), 55 кг. Ҳаёт Камолиддинов (Фарғона), 60 кг. Соҳибжон Бойматов (Тошкент ш.), 65 кг. Асадбек Эргашалиев (Тошкент ш.), 71 кг. Камолиддин Қурбоналиев (Андижон), 77 кг. Арслонбой Маткаримов (Фарғона), 83 кг. Улуғбек Руҳиддинов (Наманган), 90 кг. Муҳаммадқодир Ризаев (Фарғона), 100 кг. Бахтиёр Сангиров (Сирдарё), +100 кг. Бобурбек Мадаминов (Фарғона).

Ғолиб ва совриндорлар диплом, медаль ва эсдалик совғалари билан мукофотланишди.