Фарғонада Ўзбекистон чемпионати ўтказилмоқда

Ўзбекистон Республикаси Туризм ва спорт вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур чемпионатда мамлакатимизнинг барча ҳудудларидан 200 нафарга яқин полвонлар иштирок этмоқда.

Ушбу мусобақада дастлаб, тантанали очилиш маросими ташкил этилди. Табрик учун сўз олган федерация раиси Равшан Дастиров, Фарғона вилоят ҳокими ўринбосари - туризм ва спорт бош бошқармаси бошлиғи Хуршиджон Аҳмедов, Ўзбекистон Миллий олимпия қумитасининг Фарғона вилояти вакили, кураш бўйича Фарғона вилояти ижрочи директори Севара Деҳқонова, белбоғли кураш федерацияси бош котиби Абдихалил Маликов, белбоғли кураш бўйича катталар ўртасида терма жамоа бош мураббийи Аъзамжон Шокиржоновлар  юртимизда кейинги йилларда жисмоний тарбия ва спортга, миллий спорт турларимизга,  хусусан, спортнинг аҳоли орасида оммавийлигини таъминлаш каби ишларга алоҳида эътибор қаратилаётгани ҳақида таъкидлаб, полвонларларга омад тилашди. Шу тариқа катталар ўртасидаги мазкур Ўзбекистон чемпионатига старт берилди.

Таъкидлаш жоиз, ушбу беллашувларда эркаклар белбоғли курашнинг эркин ва классик йўналишларида 8 та вазн тоифасида, аёллар эркин йўналишда 5 та вазнда ғолиблик учун кураш олиб боришмоқда. Беллашувлар 1 июнга қадар давом этади.    

Илҳом РАҲМОНОВ тайёрлади