Фарҳоджон Машрапов ва Амирхон Алихўжаев Naiza рейтингига киритилди + ФОТО

Енгил вазн тоифасида тузилган ушбу рейтингда ҳамюртимиз Фарҳоджон Машрапов 6-ўриндан жой олган бўлса, Амирхон Алихўжаев 7-ўринда қайд этилган. Мазкур вазнда лига чемпиони қозоғистонлик Магомед Кабардиев (10-0) ҳисобланади.

Эслатиб ўтамиз, Амирхон Алихўжаев сўнгги жангини 20 март куни рейтингнинг учинчи поғонасидан ўрин олган украиналик Даниель Донченкога (7-1) қарши ўтказиб, мағлуб бўлган эди. 

Фарҳоджон Машрапов эса сўнгги бор 7 январь куни Ўзбекистондаги MPL 7 турнирида Элдор Эронов билан жанг қилиб, имкониятни бой берганди. У сўнгги учта жангидан буён ғалаба қозона олмаяпти.

Маълумот ўрнида, 24 ёшли Амирхон Алихўжаев кейинги жангини Донченкога қарши реванш мақомида ўтишини истамоқда.