UZ

Сўнгги янгиликлар

19:09Достон Бозоров, Амирхон Алихўжаев, Шоҳасан Мирзаматов ва бошқалар жанг қиладиган Octagon 72 турниридан ОНЛАЙН 0 17:47Фьюрининг отаси Тайсоннинг фаолиятини давом эттириши эҳтимолини баҳолади 0 17:16Дзюдочиларимиз жаҳон чемпионатига муносиб тайёргарлик кўриш учун Италияга жўнаб кетишди + ФОТО 0 16:55"Пахтакор" футболчилари Эл Классикода қандай ҳисоб қайд этилишини тахмин қилишди, Сергеевдан антиқа жавоб 0 16:34Фрэнк Уоррен: "Иноуэнинг жамоаси у билан жанг қилишга қизиқяпти" 0 16:13Бугун “Эл Классико”! Ўзбек спорти юлдузлари қайси жамоага мухлислик қилади? 0 15:52Достон Бозоров, Амирхон Алихўжаев, Шоҳасан Мирзаматов ва бошқалар жанг қиладиган Octagon 72 турнирининг тўлиқ карди ва бошланиш вақти маълум 0 15:31Германиянинг 6 карра чемпиони 7 йиллик танаффусдан сўнг Бундеслигага қайтди 0 15:10Фьюрининг отаси Тайсон нега иккала жангда ҳам Усикка ютқазганини айтди 0 14:49Дана Уайт: "Бу жангни ташкил этиш мен учун шараф" 0 14:28Усик P4P рейтингидаги етакчилигини сақлаб қолди 0 14:07Суперлига. Бугун 9-тур якунланади 0 13:46Рамазон Темиров иштирок этадиган UFC Абу-Даби турнирининг марказий жанги эълон қилинди 0 13:25Байдарка ва каноэда эшкак эшиш бўйича Осиё чемпионатини 6 та медаль билан якунладик 0 13:04Octagon Лига дисквалификациясига учраган Одилхон энди бокс тушади, рақиб ва жанг санаси маълум (ПОСТЕР) 0

27 сен 08:22
Янгиликлар

Футбол

ФАРҚ. Шарҳловчилар қанча топади?

Футболда шарҳловчиларнинг ўрни бўлакча, улар ўйин жозибасига футболчилардан кам таъсир қилишмайди.

Бу йўналишни танлаган киши вақти-вақти билан танқид, ҳақоратлар ёмғирига дош бериши керак. Ҳар қанча холис бўлманг, мағлуб жамоа мухлисларига рақибдек кўринасиз. Айни пайтда халқ орасида машҳурлашиб, минглаб мухлислар орттиришингиз мумкин. Кўпчилик сизнинг жонли эфирлар орқали яхшигина пул топишингизга ишонади...

Аслида ҳам "комментаторлик" сердаромад соҳами? Бугун шу саволга турли мамлакатлар мисолида жавоб топамиз. 

Россия Федерацияси

Яқиндагина "МатчТВ" ходимларининг ойлик маошлари эълон қилинди. Чемпионлар Лигасининг охирги финалини рус тилида шарҳлаган Георгий Черданцев 30 кунда 1,1 млн рубль (207 млн сўм) ишлаб топар экан. Телеканал шарҳловчилари орасида энг кам гонорар РПЛ баҳсларида ишлайдиган Дмитрий Бажановга тегишли (1200$).

Туркия

Бу мамлакатда спорт шарҳловчиларининг ойлик даромади (ўрта ҳисобда) 1700-2000 доллар атрофида. Аммо телеканалларнинг рейтингига кўра бу рақам юксалиб бораверади. Туркияда футбол экспертлари алоҳида қадрланади. Улар йилига 2 млн долларгача ишлаб топишлари мумкин.

Англия

Гарри Линекернинг BBCда фаолият юритишини биласиз. Инглиз футболи афсонаси қаторасига 5-йил телеканалнинг энг кўп маош олувчи юлдузига айланди — 1,36 млн фунт. Ковид пандемиясига қадар унинг йиллик даромади 1,75 млн фунт эди.

Қозоғистон

Қўшниларимизнинг машҳур комментаторлари ўйин бошига бериладиган бонус ва гонорарлардан ташқари ойига ўртача 1000 доллар атрофида маош олишади.

Германия 

Немис шарҳловчилари мундиалнинг 1 ўйини учун 3 минг еврогача гонорар олади. Телеканалларда эксперт сифатида фаолият юритадиган собиқ футбол юлдузларининг йиллик даромади 2 млн евро атрофида.

Америка эса бошқалардан анча олдинда. CBS Sports Radio'да фаолият юритадиган Жим Роум йилига 30 млн доллар топади.

Ўзбекистон

Юксак рақамлар билан давом этамиз. Бизда энг машҳур спорт шарҳловчилари 1та ўйин учун ўртача 18-27 доллар атрофида гонорар олишади (Сўмга чақсак, 200-300 минг дегани).

Ҳолатни яхшироқ тушунишингиз учун солиштирамиз. Даврон Файзиев ёки Хайрулла Ҳамидов 1 ойда 15та топ даражадаги учрашувда ишлаган тақдирда ҳам, Черданцевга нисбатан 45 марта камроқ даромад қилишади...

Рейтинг: +1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг