25 июн 13:10
Янгиликлар

Дзюдо

Фахрий дзюдочиларимиз Европа Очиқ Кубогида шоҳсупага кўтарилишди

Чехиянинг Теплице шаҳрида дзюдо бўйича спорт усталари ўртасида Европа Очиқ Кубоги ўтказилди.

22-24 июнь кунлари бўлиб ўтган мусобақада ўзбекистонлик фахрий дзюдочилар ҳам иштирок этишди. Ҳамюртларимиздан Темур Худойқулов (-81 кг) ва Фахриддин Шарипов (+100 кг) ўз вазн тоифаларида олтин медални қўлга киритишди.

Баҳром Иноятов (-81 кг) кумуш медалга сазовор бўлди. +100 кг вазнда татамига чиққан Ҳамид Атажанов бронза медали билан тақдирланди.