Фахрийларимиз жаҳон чемпионатига жўнаб кетишди

Дунёнинг 60 давлатидан келган кекса авлод вакиллари қаторида Ўзбекистон терма жамоасининг 8 нафар дзюдочиси ҳам жаҳон чемпионати медаллари учун татамига чиқади. 

Ўтган йили Португалиянинг Лиссабон шаҳри мезбонлик қилган жаҳон чемпионатида Ўзбекистон дзюдо федерацияси раиси ўринбосари Бекзод Тўрабоев финалга қадар мағлубиятсиз етиб бориб, кумуш медалга сазовор бўлган эди. Бекзод Саиткулович бу йил кумуш медални олтинга айлантиришга уриниб кўради. 

Терма жамоамиз таркиби:

-66 кг: Баҳром Иноятов 

-73 кг: Тимур Худойқулов 

-73 кг: Камолиддин Алимардонов

-81 кг: Бахтиёр Тўрабоев

-90 кг: Бекзод Тўрабоев 

-100 кг: Фахриддин Шарипов

-100 кг: Муроджон Жамолов 

+100 кг: Ҳамид Отажонов