26 май 19:40
Янгиликлар

Дзюдо

Фахрийларимиз Москвадаги нуфузли мусобақада иштирок этишади

26-28 май кунлари Россия Федерацияси пойтахти Москва шаҳрида дзюдо бўйича фахрийлар ўртасида анъанавий халқаро турнир бўлиб ўтади.

Ички ишлар ҳамда полиция ходимлари ўртасида ўтказиб келинаётган ушбу мусобақа ўз тарихида 17-маротаба ташкил этиляпти. "Мегаспорт" спорт мажмуаси мезбонлик қилаётган ушбу халқаро турнирда Ички ишлар вазирлиги тизимида фаолияти юритиб келаётган Ўзбекистон фахрийлар терма жамоаси юртимиз шарафини ҳимоя қилади.

Халқаро турнир ҳар йили май ойида ўз вазифасини адо этиш чоғида ҳалок бўлган тизим ходимлари хотирасига бағишлаб ўтказиб келинади.

Мусобақада мезбонлардан ташқари Беларусь, Туркия, БАА, Арманистон, Қирғизистон, Тожикистон, Қозоғистон каби давлатлардан фахрий дзюдочилар медаллар учун баҳс олиб боради.