Фазлиддин Ғоибназаров Ломаченко билан жанг қилишга тайёр

"Ниятим бор. Бу яхши жанг бўларди. Умуман олганда бу катта воқелик. У билан жанг учун вазнимни 61,2 кг.га туширишга тайёрман. 

Ломаченко билан битта промоутерлик компаниясида, битта менежердамиз. Битта залда шуғулланамиз. У Ригондога қарши жанг олдидан тайёргарлик жараёнида спарринг таклиф қилганди. Аммо, ўша пайт вазним катта эди. 

У яхши инсон, камтар йигит. АҚШга илк маротаба борганимда дебютим олдидан у ва дадаси Анатолий Ломаченкодан маслаҳатлар олганмиз. Залимизда МДҲ мамлакатларидан боксчилар йиғилган. Анатолий Ломаченко доимо маслаҳат бериб туради", - деди Фазлиддин Ғоибназаров.

Эслатиб ўтамиз, ҳаваскор боксда Фазлиддин Ғоибназаров икки маротаба Ломаченкога қарши жанг қилган ва ҳар иккисида ҳам мағлуб бўлган. Маълумот учун, Ломаченко ҳаваскор боксда 397 та жанг ўтказган ва уларнинг 396 тасини ғалаба билан якунлаган. Икки маротаба Олимпиада чемпиони, икки карра жаҳон чемпиони ҳисобланади.