Фазлиддин ва Шаҳобиддинда нокаут, Аббосхон ютқазди ва жанг оқшомининг барча натижалари битта саҳифада

"Lift" промоутерлик компанияси томонидан ташкил этиладиган жанг оқшоми натижаларидан ушбу саҳифа орқали хабардор бўлиб туришингиз мумкин бўлди. 

Кечанинг марказий жангида Фазлиддин Ғоибназаров венесуэлалик Эйдер Паррага қарши жанг қилди. 10 раундга мўлжалланган жанг 38 сония ичида якунланди. Фазлиддин биринчи раунддаёқ кучли зарбаси билан рақибини нокаутга учратди. 

Бразилиялик боксчи, Токио Олимпиадаси чемпиони Эберт Консесао проф рингдаги дебютида никарагуалик Данни Мендозага қарши жанг қилди ва иккинчи раундда нокаут эвазига ғалаба қозонди.  

Шаҳобиддин Зоиров 20 сонияда никарагуалик рақибини нокаутга учратди. 

Айни пайтда кубалик Адиер Эррера ва аргентиналик Мауро Пероуене ўртасидаги 8 раундлик жанг ўтказилмоқда. Кубалик боксчида ғалаба.

Жанг оқшомидан ФОТОГАЛЕРЕЯ сайтимизга жойлаштирилди. 

Лазизбек Мулложоновнинг британиялик Бассетга қарши жанги иккинчи раундда якунланди. У рақибини муддатидан олдин мағлуб этди. Рақиб секунданти оқ сочиқ улоқтирди. 

Миразизбек Мирзахалиловнинг қирғизистонлик рақибга қарши жанги учинчи раунддан сўнг тугади. Қирғизистонлик Ислом Торабаевнинг секундантлари жангни давом эттирмасликни маъқул кўришди. Миразизда - муддатидан олдин ғалаба! 

"Ҳумо арена"даги бокс оқшомида кичик танаффус: Артур Григорян, Муҳаммадқодир Абуллаев ва Муроджон Аҳмадалиев! Ўзбек боксининг ўтмишдаги ва бугунги кундаги чемпионлари. Уларга эсдалик учун чопонлар кийдирилди. Ташкилотчилар шунингдек Руфат Рисқиевни ҳам эсдан чиқаришмади!

Мужибилло Турсунов проф рингдаги дебютида Раҳматиллажон Шарифовга қарши жанг олиб борди ва ҳакамларнинг якдил қарори билан ғалаба қозонди. 

Аббосхон Йўлдошев Шоҳрухбек Кенжаевга қарши 6 раундлик жанг ўтказди ва очколар эвазига ютқазиб қўйди. Ҳакамлар бир овоздан Кенжаевнинг ғалабасини эътироф этишди. 

Кечанинг иккинчи жангида икки ўзбекистонлик боксчи ўзаро рингга кўтарилди: унда Фаррух Арслонов Тимур Абдураҳмоновни 6 раундлик жангда очколар эвазига мағлуб этди. 

Дастлабки жангда қозоғистонлик Нурим Дилшад учинчи раундда ғалабага эришди. 

Аббосхон иштирокидаги жангни томоша қилинг. 

Спортни ривожлантириш вазири Адҳам Икрамов сўзга чиқиб, спортчиларга омад тилади. 

Жанг кечаси бошланмоқда. Бошловчилар кириш сўзи билан бошлаб беришди. 

Жанг оқшоми 18:30 да бошланади. 

Бугунги жанглар рўйхати билан: