Fed Cup. Кореядан кейин Ҳиндистонга ҳам ютқаздик

Осиё/Океания минтақасидан ўрин олган 1-гуруҳ баҳсларида Ўзбекистон аёллар терма жамоаси ҳам иштирок этяпти. Афсуски, қизларимиз гуруҳ босқичининг кетма-кет иккита учрашувида мағлубият аламини тотиб кўришди. Аввалига Жанубий Кореяга 0:3 ҳисобида имкониятни бой берган теннисчиларимиз кеча Ҳиндистон терма жамоасидан ҳам худди шу ҳисобдаги мағлубиятни қабул қилиб олишди. 

Акгул Аманмурадова Рутуя Бхосалега 6:2, 2:6, 5:7, Сабина Шарипова Анкита Райнага 5:7, 1:6 ҳисобида ютқазди. Ҳеч нарсани ҳал қилмайдиган жуфтлик учрашувида эса Ясмина Каримжонова ва Ситора Нормуродовадан иборат тандем Совжаня Бависетти ҳамда Рия Бхатияга 3:6, 1:6 ҳисобида енгилди.