"Ferrari" нинг сўнгги чемпиони "Формула-1"даги фаолиятини якунлади

Райкконен мавумнинг cўнгги "Формула-1" пойгаси - Абу-Даби Гран-присидан сўнг фаолиятини якунлаганини маълум қилди.

Райкконен "Феррари" билан 2007 йилги жаҳон чемпионатида ғалаба қозонган. Унинг чемпионлиги ҳозирча "Скудерия" учун охиргиси бўлиб қолмоқда. Кимми фаолияти давомида икки марта вице-чемпион бўлди ва уч марта чемпионатни учинчи ўринда якунлади.

Кими 2001 йил "Ф-1"да дебют қилган. У чемпионат тарихидаги энг тажрибали пойгачи ҳисобланади, Абу-Даби Гран-приси унинг 350-пойгасидир. 42 ёшли пилот "Ф-1"да 19 мавсум ўтказди (Рубенс Баррикелло ва Михаэль Шумахерда ҳам худди шундай кўрсаткич – бу чемпионат рекорди ҳисобланади). Фаолияти давомида у 21 та пойгада ғалаба қозонган, 103 марта шоҳсупага кўтарилган. Райкконен «Заубер», «Макларен», «Феррари», «Лотус» ва «Альфа Ромео» клублари шарафини ҳимоя қилган.

Кими Райкконен Instagram саҳифасига сурат жойлаб, унинг остига "Хайр Формула-1", - дея изоҳ қолдирди.