Феррари собиқ президенти ишдан олинган кунининг эртасига комага тушиб қолди

Маълумотларга кўра, Маркьонненинг аҳволи кескин оғирлашган. У Цюрих шаҳридаги касалхоналарнинг бирида елкасида қилинган операциядан сўнг тикланаётган эди. Жарроҳлик амалиёти бундан уч ҳафта аввал ўтказилган эди. 

Шифокорлар тикланиш жараёни узоқ давом этмаслигини айтишганди. Лекин вақт ўтиши билан Сержионинг саломатлиги ёмонлашиб борди ва натижада кома ҳолатида реанимация, яъни жонлантириш бўлимига жойлаштирилди. 

Ҳозирча Маркьонненинг оила аъзолари ва ФИАТ-Крайслер концерни бўлиб ўтган воқейлик юзасидан ҳеч қандай муносабат билдирмади. Ўтган жума куни Маркьонне айнан соғлиғи туфайли эгаллаб турган барча лавозимлардан расман озод этилган эди.