12 сен 09:29
Янгиликлар

Формула-1

Ферстаппен - Италия Гран-приси ғолиби!

Монца трассасида "Формула 1" пойгалари доирасидаги Италия Гран-приси бўлиб ўтди.

Мавсумининг 16-пойгасида "Ред Булл" пилоти Макс Ферстаппен бош совринни қўлга киритди. "Феррари" вакили Шарль Леклер финишга иккинчи бўлиб етиб келди. Кучли учликка "Мерседес" пойгачиси Жорж Расселл якун ясади.

Бу Макс Ферстаппен учун жорий мавсумдаги 11-ғалабаси бўлди. У кетма-кет бешинчи Гран-прида ҳам чемпионлик шоҳсупасига кўтарилди. Куннинг энг яхши пойгачиси сифатида мусобақа дебютанти Ник Де Врис эътироф этилди.

Маълумот учун, "Формула 1" чемпионатининг навбатдаги босқичи уч ҳафтадан сўнг Сингапурда бўлиб ўтади. Макс Ферстаппен айнан Сингапурда муддатидан аввал чемпион бўлиши мумкин.