28 авг 08:27
Янгиликлар

Дзюдо, Токио-2020

Феруз Саидов Паралимпия ўйинлари финалида!

Токио-2020 Паралимпия ўйинларининг парадзюдо баҳслари ҳам муросасиз курашлар остида давом этмоқда.

Эркаклар ўртасидаги беллашувларнинг -73 кг вазн тоифасида юртимиз шарафини ҳимоя қилаётган Феруз Саидов финал йўлланмасини қўлга киритди.

Халқаро тоифадаги рефери Рамзиддин Саидовнинг укаси бўлган Феруз аввалига литвалик Освалдес Бареикисни, кейин эса ярим финалда россиялик Василий Кутуевни иппон баҳоси билан мағлубиятга учратди. Энди у Паралимпия ўйинлари олтин медали учун қозоғистонлик Темиржан Даулетга қарши татамига чиқади.