28 авг 13:06
Янгиликлар

Дзюдо, Токио-2020

Феруз Саидов – Токио-2020 Паралимпия ўйинлари чемпиони!

Бироз аввал пара дзюдо баҳсларида эркаклар ўртасида -73 кг вазн тоифасида ҳамюртимиз Феруз Саидов финалда қўшни қозоғистонлик Темиржан Даулетга қарши ўз баҳсини якунлади.

Қизиқарли ва муросасиз кечган курашда Саидов иппон баҳоси эвазига ғалаба қозонди ва олтин медалга сазовор бўлди.

Маълумот учун, Феруз Саидов Рио-2016 ёзги Паралимпия ўйинларида бронза медалини қўлга киритган эди.

Ушбу натижадан сўнг делегациямиз ҳисобидаги медаллар сони 9 тага етди: 4 та олтин, 3 та кумуш ва 2 та бронза.