FIDE Бош директори: "Синдаровнинг ҳисоб-китоби Каспаровнинг энг кучли даврига тенг"

"Синдаровнинг натижалари мени ҳайратга солди, бироқ унинг ўйиндан кейинги таҳлиллари янада кўпроқ лол қолдирди. Кеча мураккаб ўйинда дуранг қайд этгач, у Петер ва Яннинг олдига кириб, ўзи кўрган вариантлар билан ўртоқлашди. Мен гувоҳи бўлган ҳисоб-китобдаги ўткирлик ва аниқлик ҳақиқатан ҳам тенгсиз.

Ҳатто айтишим мумкинки, айнан шу вазиятда унинг маҳорати фақат энг кучли давридаги Каспаров билан қиёсланиши мумкин. Синдаров ҳозирча ўз фикрини сўз билан тушунтиришда у қадар равон бўлмаслиги мумкин, бироқ соф шахмат нуқтаи назаридан у кўрсатган билимлар ҳақиқатан ҳам ҳайратланарли", - деди Сутовский.