FIDE декабрь ойи рейтингини эълон қилди. Топ-10`да 1, Топ-100`да 5 нафар шахматчимиз!

Янгиланган рейтингда дунё шахматчиларининг Топ-100`тагидан 5 нафар гроссмейстеримиз жой олган. Биринчи рақамли шахматчимиз Нодирбек Абдусатторов (2777) 6-ўринни эгаллаб турибди. Норвегиялик Магнус Карлсен (2831) рейтинг пешқадамлигини сақлаб қолди. Америкаликлар Фабиано Каруана (2805) ва Ҳикару Накамура (2802) кучли учликни якунлаб беришган. Ҳиндистонлик гроссмейстерлар Аржун Эргаиси (2801) ва Доммараджу Гукеш Нодирбек Абдусатторовдан олдинга ўринларга жойлашишган. 

Топ-100`талик рейтингга жами 5 нафар гроссмейстеримиз киритилган. Жаҳон чемпиони Рустам Қосимжонов (2685) 43, Prezident Cup 2024 турнирида иккинчи ўринни эгаллаган Жавоҳир Синдаров (2682) 46, Шамсиддин Воҳидов (2681) 47, Нодирбек Якуббоев (2668) эса роппа-роса 60-поғонадан жой олган. 

Янгиланган FIDE рейтинги (Топ-10), 1 декабрь ҳолати:

1. Магнус Карлсен (Норвегия, 2831)

2. Фабиано Каруана (АҚШ, 2805)

3. Ҳикару Накамура (АҚШ, 2802)

4. Аржун Эригаиси (Ҳиндистон, 2801)

5. Доммараджу Гукеш (Ҳиндистон, 2783)

6. Нодирбек АБДУСАТТОРОВ (Ўзбекистон, 2777)

7. Алиреза Фирузжа (Франция, 2763)

8. Ян Непомняший (Россия, 2755)

9. Йи Вей (Хитой, 2753)

10. Вишванатан Ананд (Хиндистон, 2750)