ФИДЕ Жаҳон Кубоги. Жаҳонгир 1/32 финални ғалаба билан бошлади, Жавоҳир ва Нодирбекда дуранг + ФОТО

Мусобақанинг умумий мукофот жамғармаси 1 892 500 долларни ташкил қилади. Ғолиб якунда 110 000 долларга эга бўлади. Кеча Жаҳон Кубогининг 1/32 финал босқичидан ўрин олган илк партиялар ўтказилди. Унда ёш гроссмейстерларимиз Жаҳонгир Воҳидов, Жавоҳир Синдаров ва Нодирбек Абдусатторов номдор, рейтингда ўзларидан анча юқорида турган гроссмейстерларга қарши дона суришди. 

Қувонарлиси, Жаҳонгир Воҳидов 1/16 финал чиптаси учун кечаётган илк баҳсда россиялик Павел Понкратовни мағлубиятга учратди. Жавоҳир Синдаров перулик Хорхе Кори, Нодирбек Абдусатторов эса турнир фаворитларидан бири франциялик таниқли гроссмейстер Аниш Гири билан дуранг ўйнади. Бугун шахматчилар ўзаро иккинчи партияда тўқнаш келишади. 

ФИДЕ Жаҳон Кубоги. 1/32 финал. Илк партия 

Жаҳонгир Воҳидов – Павел Понкратов (Россия) – 1:0

Хорхе Кори (Перу) – Жавоҳир Синдаров – 0,5:0,5

Нодирбек Абдусатторов – Аниш Гири (Франция) – 0,5:0,5