ФИДЕ Жаҳон Кубоги. Жаҳонгир ва Жавоҳир номдор гроссмейстерларни мағлуб этишди + ФОТО

Мусобақанинг умумий мукофот жамғармаси 1 892 500 долларни ташкил қилади. Ғолиб якунда 110 000 долларга эга бўлади. Кеча Жаҳон Кубогининг 1/64 финал босқичидан ўрин олган ҳал қилувчи тай-брек партиялари ўтказилди. Унда ёш гроссмейстерларимиз Жаҳонгир Воҳидов ва Жавоҳир Синдаров номдор, рейтингда ўзларидан анча юқорида турган турнир фаворитларини мағлуб этишнинг уддасидан чиқишди.  

Жавоҳир Синдаров чемпионлик учун асосий даъвогарлардан бири франциялик Алиризо Фирузжани тай-брекда 3,5:2,5 ҳисобида мағлубиятга учратиб, шов-шув сабабчисига айланди. Асли келиб чиқиши эронлик бўлган Алиризо 2759, Жавоҳир эса 2558 рейтинг баллига эга бўлиб турибди. 

Жаҳонгир Воҳидов эса АҚШ вакили, ўз иштирокини тўғридан-тўғри 1/64 финалдан бошлаган номдор гроссмейстер Леньер Перес Домингесни 3:1 ҳисобида мағлубиятга учратди ва 1/32 финал иштирокчисига айланди. Домингес 2758, Жаҳонгир эса 2534 рейтинг баллига эга.       

Шу тариқа, Жаҳон Кубогининг 1/32 финал босқичига уч нафар ёш гроссмейстерларимиз йўл олишди. Жаҳонгир Воҳидов 1/16 финал чиптаси учун россиялик Павел Понкратовга, Жавоҳир Синдаров перулик Хорхе Корига, 1/64 финалда ҳиндистонлик гроссмейстер Аравиндх Читамбарамни 1,5:0,5 ҳисобида таслим этган Нодирбек Абдусатторов эса франциялик таниқли гроссмейстер Аниш Гирига қарши дона суради. 

ФИДЕ Жаҳон Кубоги. 1/32 финал 

Жаҳонгир Воҳидов – Павел Понкратов (Россия) 

Жавоҳир Синдаров – Хорхе Кори (Перу) 

Нодирбек Абдусатторов – Аниш Гири (Франция)