ФИДЕ Жаҳон Кубоги. Нодирбек 1/16 финалнинг тай-брекида дона сурди + ФОТО

Мусобақанинг умумий мукофот жамғармаси 1 892 500 долларни ташкил қилади. Ғолиб якунда 110 000 долларга эга бўлади. Айни дақиқаларда Жаҳон Кубогининг 1/16 финал босқичидан ўрин олган ҳал қилувчи тай-брек партиялари ўйналмоқда. 

Ёш гроссмейстеримиз Жавоҳир Синдаров асосий партияларда 0,5:1,5 ҳисобида польшалик халқаро гроссмейстер Пиорун Касперга имкониятни бой берганди. 17 ёшли Абдусатторов эса озарбайжонлик 29 яшар гроссмейстер Васиф Дурарбайли (2625) билан 1:1 ҳисобида дуранг ўйнаган эди. 

Ҳозиргина якунига етган тай-брекда Абдусатторов (2634) рақибига 2:4 ҳисобида ютқазиб қўйди. Нодирбек 1/32 финалда турнир фаворитларидан бири, мусобақада олтинчи рақам остида таснифланган франциялик таниқли гроссмейстер Аниш Гири (2776) устидан тай-брекда 3:1 ҳисобида ғалаба қозонганди. 

Шу тариқа, Ўзбекистон терма жамоаси Жаҳон кубогидаги иштирокини якунлади. Энг яхши натижамиз мусобақанинг 1/16 финал босқичи бўлди. Ёш гроссмейстерларимизнинг умумий иштироки ёмон эмас. Қизларимиз эса илк даврадаёқ мағлубият аламини тотиб кўришган эди.