ФИДЕ Жаҳон Кубоги. Нодирбек 6-рақамли иштирокчини мағлуб этиб, 1/16 финалга йўл олди ФОТОРЕПОРТАЖ

Мусобақанинг умумий мукофот жамғармаси 1 892 500 долларни ташкил қилади. Ғолиб якунда 110 000 долларга эга бўлади. Кеча Жаҳон Кубогининг 1/32 финал босқичидан ўрин олган тай-брек партиялар ўтказилди. Унда ёш гроссмейстерларимиз Жаҳонгир Воҳидов ва Нодирбек Абдусатторов номдор, рейтингда ўзларидан анча юқорида турган гроссмейстерларга қарши дона суришди. 

Қувонарлиси, Нодирбек Абдусатторов (2634) турнир фаворитларидан бири, мусобақада олтинчи рақам остида таснифланган франциялик таниқли гроссмейстер Аниш Гири (2776) устидан тай-брекда 3:1 ҳисобида ғалаба қозониб, 1/16 финал босқичига йўлланма олди. Ушбу натижа шахмат оламида "сенсация" сифатида қабул қилинди. Шахматчилар дастлабки икки партияда дуранг ўйнашган эди. 

Афсуски, Жаҳонгир Воҳидов 1/16 финал чиптаси учун кечган тай-брекда россиялик Павел Понкратовга ютқазиб қўйди. Асосий икки партияда томонлар биттадан ғалабага эришишганди. Энди икки ёш гроссмейстеримиз жаҳон тожи учун курашни давом эттиради. 

Эслатиб ўтамиз, Жавоҳир Синдаров 1/32 финалнинг асосий партиясида перулик Хорхе Коридан 1,5:0,5 ҳисобида устун келганди. Унинг 1/8 финал чиптаси учун кечадиган учрашувлардаги рақиби польшалик халқаро гроссмейстер Пиорун Каспер бўлади. 17 ёшли Абдусатторов эса озарбайжонлик 29 яшар гроссмейстер Васиф Дурарбайлига қарши дона суради.

ФОТО: www.flickr.com