ФИДЕ Жаҳон Кубоги. Нодирбек ва Жавоҳир 1/16 финалнинг илк партиясида дона суришди + ФОТО

Мусобақанинг умумий мукофот жамғармаси 1 892 500 долларни ташкил қилади. Ғолиб якунда 110 000 долларга эга бўлади. Кеча Жаҳон Кубогининг 1/16 финал босқичидан ўрин олган биринчи партиялар ўтказилди. Унда ёш гроссмейстерларимиз Жавоҳир Синдаров ва Нодирбек Абдусатторов номдор гроссмейстерларга қарши дона суришди. 

Афсуски, биринчи партия ёш гроссмейстерларимиз учун омадсиз якунланди. Уларнинг ҳар иккалалари ҳам рақибларига имкониятни бой беришди. Синдаров польшалик халқаро гроссмейстер Пиорун Касперга, 17 ёшли Абдусатторов эса озарбайжонлик 29 яшар гроссмейстер Васиф Дурарбайлига ютқазиб қўйди. 

Бугун шахматчилар ўртасида иккинчи партия ўйналади. Нодирбек Абдусатторов (2634) 1/32 финалда турнир фаворитларидан бири, мусобақада олтинчи рақам остида таснифланган франциялик таниқли гроссмейстер Аниш Гири (2776) устидан тай-брекда 3:1 ҳисобида ғалаба қозонганини таъкидлаш ўринли бўлса керак.