ФИДЕ Жаҳон Кубоги. Шахматчиларимизнинг 1/64 финалдаги натижалари + ФОТО

Умумий мукофот жамғармаси 1 892 500 долларни ташкил этган мусобақада ўзбекистонлик ёш гроссмейстерлар юртимиз шарафини ҳимоя қилишяпти. Жаҳонгир Воҳидов, Шамсиддин Воҳидов, Нодирбек Ёқуббоев, Жавоҳир Синдаров ва Нодирбек Абдусатторов илк босқичда (2 партия) умумий ғалабага эришиб, 1/64 финалга йўл олишганди. 

Жаҳон Кубогининг 1/64 финал босқич илк партиясида ўтган йили гроссмейстер унвонини олган 19 ёшли шахматчимиз Шамсиддин Воҳидовдан ташқари қолган барча ҳамюртларимиз кучли рақиблари билан дурангга эришишди. Шамсиддин дунё тарихидаги иккинчи ёш гроссмейтер, 2015 йилги ФИДЕ Жаҳон Кубоги ғолиби, тезкор шахмат бўйича жаҳон чемпиони (2012 йил), блиц бўйича жаҳон чемпиони (2016) 2013 ва 2019 йилларда жамоавий жаҳон чемпионатида икки бор чемпионлик тожини кийган россиялик Сергей Карякинга қарши қора доналарда ўйнаб ютқазиб қўйди. 

ФИДЕ Жаҳон Кубоги. 1/64 финал босқичи. Биринчи партия

Жаҳонгир Воҳидов – Леньер Перез Домингес (АҚШ) – 0,5:0,5

Жавоҳир Синдаров – Алиреза Фирузжа (Франция) – 0,5:0,5

Нодирбек Ёқуббоев – Давид Навара (Чехия) – 0,5:0,5

Нодирбек Абдусатторов – Аравиндх Читамбарам (Ҳиндистон) – 0,5:0,5

Шамсиддин Воҳидов – Сергей Карякин (Россия) – 0:1

Бугун 1/64 финал босқичининг иккинчи прартиялари баҳслари бўлиб ўтади. Икки партия натижасига кўра дуранг бўлиб қолган тақдирда қўшимча тай-брек ўйналади.