02 авг 07:38
Янгиликлар
Шахмат
ФИДЕ Жаҳон Кубогида 1/2 финалнинг илк партиялари ўйналди + ФОТО
Россия Федерациясининг Сочи шаҳри шахмат бўйича эркаклар ва аёллар ўртасидаги ФИДЕ Жаҳон Кубоги давом этмоқда.
Мусобақанинг умумий мукофот жамғармаси 1 892 500 долларни ташкил қилади. Ғолиб якунда 110 000 долларга эга бўлади. Кеча ярим финалнинг дастлабки партиялари ўтказилиб, унинг ҳар иккисида томонлар муроса йўлини танлашди.
Амалдаги жаҳон тожи соҳиби Магнус Карлсен оқ доналарда ҳаракат қилишига қарамай, мусобақа кашфиётларидан бирига айланган польшалик 23 ёшли гроссмейстер Ян-Криштоф Дуда билан дуранг ўйнади. Россиялик гроссмейстерлар - Владимир Федосеев ва Сергей Карякин партиясида ҳам кучлар тенг келди. Бугун иккинчи партия ўтказилади.
Эслатиб ўтамиз, ўзбекистонлик ёш гроссмейстерларимиз Жаҳон Кубогида умумий ҳисобда яхши натижа қайд этишган эди.
Ҳавола :
Манба : olamsport.com
Фикрлар