ФИФА Фарғонанинг "Нефтчи" жамоасини жазолади

Ўзбекистон клуби 29 ёшли футболчига ойлик маошларини тўлашдан бош тортган. ФИФА шу йилнинг 28 февраль куни 2018 йил 1 июль куни бекор қилинган шартнома бўйича клуб футболчига қолиб кетган маошларини тўлаш ҳақида қарор қабул қилганди. Бироқ ҳозирга қадар «Нефтчи» бу талабни бажаргани йўқ.

Якунда 18 июнь куни ФИФА Фарғонанинг «Нефтчи» клубига яқин уч трансфер ойнаси вақтида янги футболчиларни рўйхатдан ўтказишга таъқиқ қўйди. «Нефтчи» Вячеслав Сушкин билан тўлиқ ҳисоб-китоб қилганидан кейингина янги ўйинчиларни рўйхатдан ўтказа олади. Россиялик футболчининг ҳуқуқини Catenaccio Sports Agency компанияси ҳимоя қилмоқда.

Вячеслав Сушкин 2018 йил бошида Фарғонанинг «Нефтчи» клуби билан шартнома тузганди. Клуб сафида иккита учрашувда (жами 46 дақиқа ҳаракат қилган) майдонга тушган ҳужумчи ўша йил ёзда шартомани бекор қилганди.