Фигурали учиш бўйича Гран-при финал босқичи яқинлашмоқда, Гейниш ва Чигирев тақдири нима бўлди?

Хабарингиз бор, жорий йилги мавсумда жуфтлик дастуридаги беллашувларда Ўзбекистон терма жамоаси аъзолари Екатерина Гейниш ва Дмитрий Чигирев ҳам баҳс олиб борди.

Вакилларимиз дастлаб, октябрь ойи охирида Канада Гран-при босқичида қатнашиб, умумий 189,65 балл жамғарган ҳолда ўзларининг энг яхши натижаларини қайд этишди. 

Шундан сўнг, спортчилар Франциянинг Анже шаҳрида ташкил этилган босқичда иштирок этиб, 161.99 баллга эга чиқишганди.

Афсуски, Гейниш ва Чигирев жуфтлигининг иккита босқич орқали тўплаган баллари финал босқич йўлланмаси учун камлик қилди. Улар захира таркибига ҳам киритилмади.

Маълумот учун, Екатерина ва Дмитрий таркиби айни пайтда жаҳон рейтингида 38, мавсум рейтингида эса 12-ўринни эгаллаб турибди.

Спортчилар шу кунларда ўзлари туғилиб ўсган Россия Федерациясида машғулотларни давом эттиришмоқда.