06 сен 11:55
Янгиликлар
Қишки спорт турлари
Фигурали учиш. Гейниш ва Чигирев энди қайси мусобақада иштирок этади?
Фигурали учишнинг жуфтлик дастури бўйича Ўзбекистон терма жамоаси аъзолари Екатерина Гейниш ва Дмитрий Чигирев куни кеча АҚШнинг Нью-Йорк шаҳрида ўтказилган "Челленжер" туркумидаги "John Nicks Pairs Challenge International" мусобақасида учинчи ўринни эгаллашган эди.
Энди спортчиларимиз мавсум ҳисобидаги иккинчи мусобақаларида иштирок этишади.
19-21 сентябрь кунлари Германиянинг Оберстдорф шаҳрида "Челленжер" туркумидаги "Challenger Series Nebelhorn Trophy 2024" мусобақаси ўтказилади. Дунёнинг 11 давлатидан 14 та жуфтлик қатнашадиган мусобақада Гейниш ва Чигирев жуфтлиги юртимиз шарафини ҳимоя қилади.
Челленжер серияси 2014-15 йилги мавсумдан буён ўтказиб келинади. Серия кўплаб конкида юқори даражадаги халқаро мусобақаларда қатнашиш ва Жаҳон рейтинги очколарини қўлга киритиш имкониятини беради.
Маълумот ўрнида, Екатерина Гейниш 2006 йил 18 март куни, Дмитрий Чигирев эса 2001 йил 1 апрелда Москва шаҳрида туғилган. Улар жуфтликда Россиядаги бир қанча маҳаллий мусобақалар ғолиб ва совриндорларига айланган.
Ҳавола :
Манба : olamsport.com
Фикрлар