18 сен 09:49
Янгиликлар
Қишки спорт турлари
Фигурали учиш. Гейниш ва Чигирев Германиядаги "Челленжер" мусобақасини ўтказиб юборади
19-21 сентябрь кунлари Германиянинг Оберстдорф шаҳрида фигурали учиш бўйича "Челленжер" туркумидаги "Challenger Series Nebelhorn Trophy 2024" мусобақаси ўтказилади.
Аввалроқ, Olamsport.com мазкур мусобақада фигурали учишнинг жуфтлик дастурида Ўзбекистон терма жамоаси аъзолари Екатерина Гейниш ва Дмитрий Чигиревнинг ҳам иштирок этиши ҳақида хабар берган эди.
Бироқ мусобақага икки кун қолганида спортчиларимизнинг турнирни ўтказиб юбориши маълум бўлди. Бунга айнан нима сабаб бўлгани ҳозирча бизга қоронғу.
Маълумот ўрнида, Екатерина Гейниш ва Дмитрий Чигирев сентябрь ойи аввалида АҚШнинг Нью-Йорк шаҳрида ўтказилган "Челленжер" туркумидаги "John Nicks Pairs Challenge International" мусобақасида учинчи ўринни эгаллашган эди.
Ҳавола :
Манба : olamsport.com
Фикрлар