11 фев 13:24
Янгиликлар

Қишки спорт турлари, Харбин-2025

Фигурали учиш. Ўзбекистон терма жамоаси аъзолари қисқа дастурни биринчи ўринда якунлади

Хитойнинг Харбин шаҳрида Қишки Осиё ўйинлари давом этмоқда.

Бугун мусобақада фигурали учиш бўйича жуфтлик баҳслари старт олди.

Баҳсларда юртимиз шарафини ҳимоя қилаётган Дмитрий Чигирев ва Екатерина Гейниш қисқа дастурдаги чиқишини амалга оширди ва 64,55 балл тўплади.

Бу борада иккинчи ўринни Япония, учинчи ўринни эса КХДР вакиллари эгаллашди. Қайд этиш лозимки, вакилларимиз катта фарқ билан биринчи ўринни банд этишди.

Энди эртага Тошкент вақти билан соат 16:30да бошланадиган эркин чиқиш баҳсларидан сўнг медаллар тақдири ҳал бўлади.