24 янв 16:27
Янгиликлар
Қишки спорт турлари, Харбин-2025
Фигурали учувчилар Дмитрий Чигирев ва Екатерина Гейниш қишки Осиё ўйинларида қатнашади
Бу ҳақда Ўзбекистон Миллий Олимпия қўмитаси матбуот хизмати хабар бермоқда.
"Фигурали учиш бўйича Ўзбекистон терма жамоаси аъзолари Екатерина Гейниш ва Дмитрий Чигирев ҳам айни пайтда Харбин-2025 қишки Осиё ўйинларига тайёргарликни олиб боришмоқда. Жорий мавсум Канадада ўтган Гран-при турнирида шоҳсупага кўтарилган спортчиларимиз ўз олдиларига жиддий мақсад қўйишган.
Жуфтлик бир неча ҳафта мобайнида АҚШнинг Ирвайн шаҳрида тайёргарлик кўрди. Ҳозирда машғулотлар Москва шаҳрида олиб борилмоқда. Режага кўра, спортчиларимиз Россиядаги йиғинидан кейин тўғри Харбинга йўл олишади", дейилади МОҚ хабарида.
Маълумот ўрнида, тўққизинчи қишки Осиё ўйинлари шу йилнинг 7-14 февраль кунлари Хитойнинг Харбин шаҳрида ўтказилади.
Ҳавола :
Манба : Olympic.uz
Фикрлар