Фил Фоден "Манчестер Сити" билан шартномасини 2030 йилгача узайтирди

Бу ҳақда "Манчестер Сити" расмий сайти хабар берди.

"Ҳаёти давомида "Сити"га мухлислик қилиб келган 26 ёшли футболчи 9 ёшида академияда бошланган клуб билан боғлиқлигини давом эттиради. 2017 йилда Пеп Гвардиола бошчилигидаги асосий жамоадаги дебютидан бери у клуб тарихидаги энг совриндор ўйинчилардан бирига айланди. У "Сити" билан жами 20 та йирик совринни қўлга киритди: олтита Премьер-лига титули, бешта Лига кубоги, учта Англия кубоги, учта Англия Суперкубоги, шунингдек, Чемпионлар лигаси, УЕФА Суперкубоги ва ФИФА клублар ўртасидаги жаҳон чемпионати.

Туғма ҳужумкор истеъдодга эга Фоден, шунингдек, PFA талқини бўйича йилнинг энг яхши ўйинчиси (2023/2024), FWA (Футбол журналистлари ассоциацияси) талқини бўйича йил футболчиси ва Премьер-лига мавсум ўйинчиси каби индивидуал совринлар билан ҳам эътиборни тортди.

2026 йил май ойида у "Сити" сафида Премьер-лигада 100 та самарали ҳаракатни амалга оширган атиги олтинчи ўйинчига ва клубнинг 132 йиллик тарихида унинг учун 100 та гол урган бор-йўғи 20 кишидан бирига айланди", — дейилади хабарда.